 1.png)
يعني يجي مرض يصيب النبات ويخليه حساس "جداً" للاصابة بمرض (أو امراض) تانية ...
وده اللى بيحصل فى البطاطس وشرحت كتير قبل كده...
وهو مرض التفاف الاوراق الفيروسي يجي الاول ويجيب معاه مرض الندوة المبكرة في البطاطس ...
بدأ يظهر فى حقول البطاطس الشتوية بكثرة هذه الايام الاعراض المتلازمة وهي ... متلازمة فيرس التفاف الاوراق والندوة المبكرة ...
الاصابة بفيرس التفاف الاوراق الفيروسي (Potato Leaf Role Virus ; PLRV) يسبب نقص حاد فى نسبة السكر فى الاوراق بسبب انسداد الانابيب الغربالية وحجز النشا فى الاوراق مما يخفض نسبة السكر جداً) بالتالي تبدأ الاصابة بالالترناريا من هذه النباتات المسببة للندوة المبكرة في البطاطس....
المختصر: وهي متلازمة مرضية يعني الندوة لا تصيب الا النبات المصاب بفيرس التفاف الاوراق بدليل ان النباتات السليمة اللى مفهاش فيرس لا تصاب بالندوة ... العلاج يكون موضعي قدر الامكان بعني ارش المناطق المصابة فقط .. لان المرض لن ينتشر الا فى النباتات المصابة بفيرس التفاف الاوراق ... وافضل المبيدات هو "دل كب" او "بوليرام"...
- مبيد بوليرام دي اف 80 % مبيد فطري من مركبات داي ثيوكاربامات - بمعدل 200 جم / 100 لتر ماء.
- مبيد الدل كب 6% سائل مادته الفعاله كبريتات النحاس المائيه وهو فى صورة سائله يحتوى اللتر منه على 235 جرام ماده فعاله (تعادل 6% نحاس معدنى) ويرش بمعدل 1 لتر للفدان.
دكتور محمد علي فهيم
28 نوفمبر 2023
19 هاتور 1740
183
